Өнөөгийн хурдтай өөрчлөгдөж буй нийгэмд амьдралын чанараа сайжруулахын тулд тасралтгүй суралцах чадвар хамгийн үнэ цэнтэй ур чадвар болж байна. Lifelong learning буюу насан туршийн суралцахуй нь бидний хувийн болон мэргэжлийн амьдралд хязгааргүй боломжуудыг нээж өгдөг. Энэхүү ойлголт нь зөвхөн академик боловсролоор хязгаарлагдахгүй, бүх л түвшинд суралцаж, ур чадвараа хөгжүүлэх тухай юм.
Lifelong Learning гэж юу вэ?
Lifelong learning гэдэг нь сургуулиас гадна, бүх амьдралынхаа туршид тасралтгүй суралцахыг хэлдэг. Үүнд:
- Өөрийгөө хөгжүүлэх зорилгоор шинэ мэдлэг, ур чадвар эзэмших
- Мэргэжлийн ур чадвараа дээшлүүлэх
- Нийгэм, соёлын мэдлэгээ өргөжүүлэх зэрэг олон чиглэлүүлд орно.
Түүнчлэн мэдээллийн технологи хурдтай хөгжиж, зах зээлийн шаардлагууд байнга өөрчлөгдөж байгаа энэ үед хүмүүс зөвхөн нэг мэргэжлээр хязгаарлагдах биш, өөрсдийн сонирхол болон ажил мэргэжлийн хэрэгцээнд нийцүүлэн ур чадвараа сайжруулж байх нь чухал болоод байна.
Lifelong Learning-ийн ач холбогдлууд:
- Мэргэжил, карьераа сайжруулах: Шинэ ур чадвар болон мэдлэгийн тусламжтайгаар карьерийнхаа замналаа өргөжүүлэх боломжийг бий болгодог.
- Хувийн хөгжил: Суралцах нь өөртөө итгэх итгэлийг нэмэгдүүлж, өөрийн шинэ нөөц боломж, ур чадвараа илрүүлэхэд тусладаг.
- Технологийн дэвшлийг ашиглах: Технологи тасралтгүй хөгжиж байгаа тул бидний ажиллах арга хэлбэрт өөрчлөлтүүдийг оруулсаар байгаа. Иймд Lifelong learning нь технологийн дэвшилтэй хөл нийлүүлж сурах арга замуудыг нээж өгдөг.
Lifelong Learning-г хэрхэн хэрэгжүүлэх вэ?
- Өөрийгөө таних: Таны сонирхол болон ямар ур чадвар суралцах хэрэгтэй байгааг тодорхойлох нь эхлэл юм.
- Технологи ашиглах: Онлайн сургалтууд, подкаст, вэбинар зэрэг аргаар тасралтгүй суралцах боломжуудаа нэмэгдүүлэх.
- Шинэ сорилтод бэлэн байх: Өөрийн тав тухтай бүсээс гарч, шинэ мэдлэгийг өөрийн амьдралд хэрэгжүүлж, өөрийгөө хөгжүүлэх боломжуудаас хойш суухгүй байх.
Мөн насан туршдаа суралцахуй гэдэг нь амьдралаас, хүрээлэн буй орчин нөхцлөөсөө тасралтгүй суралцах зөв дадалтай байхыг илэрхийлэхээс гадна өөрийгөө үргэлж хөгжүүлж сайжруулахыг эрмэлзэж, амьдралд аливаа сорилтуудыг даван туулах ур чадвараа нэмэгдүүлэх тухай ойлголт юм. Иймд Lifelong learning нь таны мэргэжлийн замналд ч, хувийн амьдралд ч хамгийн үнэ цэнэтэй хөрөнгө оруулалт болж амьдралын чанараа сайжруулахад тань туслах болно.
